    
Beko
Bewertung: -
Abstimmungen: 0 | | Veröffentlicht am Samstag, den 15. Juli, 2000 - 22:52: | |
Mol wat up Platt:
Dat Lachsfever
vun Sonny Holst
Hüüt will ick mal beten wat övern mien Angelurlaub in Norwegen vertellen. To nachslapentiet, Klock veer, güng dat los. Querbeet dörch Dänemark, 600 km na Skagen. Wegen Storm füll de Snellfähr ut, wi müssen 40 km trüch na Frederikshavn mit een anner Schipp. Von Larvik/ Norwegen ut harrn wi denn noch 600 km to fohren, wer in Norwegen mal Auto fohrt is, weet wi lang sowat duurt.
Morgens Klock veer, also na 24 Stünnen, harrn wi denn, uns Hütt tofaten. Blots de, de al mal Lachsfever hat hett, kann verstahn, dat dat liekers Kloch 9 an`t Water güng.
Mit Watantuch, 4,50 m lang Lachsrut un allens wat dor tau hört, rin in`t koole Water von ünnen, Regen Von baben, Storm von de Siet un 6 Grad Koolt. Dat weder hett sich nich veel ännert, liekers heef ick twei Lachse un een Meerforell fungen.
Dormit kunn man taufreden sien.
Anner week sünd wi an een annern Fluß un anner Hütt ümtrocken. Von morgens up an bit tum düsterwarden wöör fischt, bit de Beinen un de Arms weh deen. In de Pausen hebbt wi Bickbeern pflückt un eeten un rieklich Pilze sammelt.
Fuer maakt un Wurst grüllt. Dat gräsige Weder hett mien beiden Angelkollegen ne düchtige Verköhlung inbröcht, worup wi beslaten hebbt, freuher na Huus to fohren.
Mien Lachsfever hett sick een beeten geven.
( vun Sonny Holst
Lübecker Nachrichten vom 15.09.1998) |